சொகுசு வாழ்க்கை

உண்மையில் சொகுசு வாழ்வு வாழ்வது யார் என்று நீங்கள் எண்ணி பார்த்ததுண்டா?

அமெரிக்கரா? ஐரோபியரா? ஆஸ்த்ரேலியரா ? யார் என்று நீங்கள் நினைக்கிறீர்கள்? இந்தியர் என்று நான் சொன்னால் நீங்கள் நம்புவீர்களா?

எப்படி இந்தியர்?

சொகுசு என்பதற்கு அர்த்தம் என்னவென்று எண்ணி பாருங்கள்? கஷ்ட்டபடாமல் உண்ண உணவோ, அல்லது விரும்பிகின்ற உடை அணிந்தோ அல்லது நம் மனம் போன போக்கிலே வாழும் வாழ்க்கையை தான் நாம் சொகுசு என்கிறோம்.

இன்று ஒவ்வொரு இந்தியனின் வீட்டிலும் ஒரு கலர் டிவி உள்ளது. அப்படி இல்லாவிடினும் அதை இலவசமாக அரசாங்கமே வழங்குகிறது. எந்த நாட்டிலாவது இப்படி ஒரு நடை முறை உள்ளதா என்று எண்ணி பாருங்கள்? ஆக நல்ல படி பொழுது போக்க ஒரு டிவி உள்ளது? அனால் இந்த டிவியை கண்டு பிடித்தது ஒரு இந்தியானா? இதை கண்டு பிடிக்க எந்த அளவு ஒரு மனிதன் எவ்வளவு உழைத்திருப்பான் என்று சிந்தித்து பாருங்கள்.

உலகமே தொழில் புரட்சியில் வளர்ந்துகொண்டு இருந்த நேரத்தில் , நமது முன்னோர்கள் சிற்பமும் கோவிலும் கட்டி கொண்டு இருந்தார்கள். எந்த ஒரு புது குடியிருப்பு ஒரு இடத்தில உருவாகும் போதும், மக்களக்கு வரும் எண்ணம் " அட ஒரு கோவில் இருந்தால் நன்றாக இருக்குமே! கோவில் இல்லாத ஊரில் குடியிருக்க கூடாது!" என்பது தான். கோவில் கட்டி முடித்து விட்டாவது எதாவது ஊருக்கு நல்லது செய்வார்கள் என்று நினைத்தால், அடுத்து கும்பாபிசேகம் , மார்கழி பூஜை என்று அமர்க்கள படுத்துவார்கள். பிச்சைக்காரர்கள் உருவாகும் இடம் எதுவென்று பார்த்தால் அது கோவிலாக தான் இருக்கும். நான் கோவிலுக்கு வெளியில் பிச்சை எடுப்பவரை சொல்லவில்லை. கோவிலுக்குள்ளே பிச்சை எடுப்பவர் தான் அதிகம். நல்ல மதிப்பெண் பெற வேண்டும் என்று ஒரு பிச்சை, தொழில் லாபம் பெற வேண்டும் என்று ஒரு பிச்சை இப்படி பல விதம். நமது வாழ்வில் சொகுசு முதல் முறையாக எட்டி பார்ப்பது கோவில்களில்தான்.

மற்ற நாடுகளில் நிற்பதற்கே நேரம் இல்லாமல் ஓடி கொண்டிருக்கும் நேரத்தில் நம்மவர்கள் பாலபிசேகமும் நெய் அபிசேகமும் பார்த்து கொண்டு இருகிறார்கள். தோல்வி ஏற்படும் பொது எல்லாம் போராட்ட குணம் குன்றி கடவுளிடம் சரணடைந்து விடவே பலர் விரும்புகின்றர். "எல்லாம் அவன் பார்த்துக்குவான்" . இந்த சொல்லில் எத்தனை சொகுசு என்று கணக்கிட்டு பாருங்கள்.

கடவுளையும் கலையையும் விடுங்கள். காதலையும் சொகுசாசக செய்வது தான் நம் தனி சிறப்பு. அமெரிக்கா போன்ற நாடுகளில் 16 வயதுக்கு மேல் ஒரு துணையை கண்டறிந்தே ஆக வேண்டும். சாகசங்களும் நவரசங்குளும் பல புரிந்து எதிர் பாலினரை ஈர்க்க வேண்டும். ஆனால் நம் நிலையை பாருங்கள். அழகாக அம்மாவிடமோ அல்லது அப்பாவிடமோ சென்று எனக்கு நல்ல படித்த நல்ல அழகான ஒரு பெண் வேண்டும் என்று சொல்லிவிட்டு அவரவர் அவர் வேலையை பார்த்து கொண்டு இருக்கலாம். பத்து பெண்களை பார்த்து ஒரு பெண்ணை தேர்ந்து எடுக்கும் சொகுசு நமக்கு மட்டும் தான் உள்ளது.

அடுத்து அறிவியல். கணிப்பொறி செல்போன் என்று யாரோ கண்டு பிடித்து கொண்டு இருக்க, நாம் இவற்றை நன்றாக உபயோகிக்கிறோம். இது போதாது என்று ஆயுத பூஜை அன்று பட்டை போட்டு வணங்க வேறு செய்கிறோம். பேருந்தில் சொகுசாக பயணம் செய்யும் முன்னர் முனியப்பனக்கு நான்கு எழுமிச்சை பழங்கள் அன்பளிப்பு வேறு. அடுத்தவர்கள் கண்டு பிடித்ததை பாடத்தில் படித்து கொண்டு கிளி பிள்ளை போல நம் வேலையில் அப்படியே செய்கிறோம்.கூகிள் மைக்ரோசாப்ட் போன்ற நிறுவனங்கள் ஏன் நம் நாட்டில் இருந்து வரவில்லை?  இன்போசிஸ் விப்ரோ போன்று மக்கள் சமுத்திரத்தை வெய்து கொண்டு குமாஸ்தா வேலை தான் செய்து கொண்டு இருக்கிறோம்.

இப்படி பல வழிகளிலும் சொகுசாக யார் வாழ்கிறார் என்று எண்ணி பாருங்கள். இந்தியர் என்று பதில் தான் உங்களிடமும் வருகிறாதா?

"

சிரித்து வாழ வேண்டும் 

பிறர் சிரிக்க வாழ்ந்திடாதே 

உழைத்து வாழ வேண்டும் 

பிறர் உழைப்பில் வாழ்ந்திடாதே" என்ற எம்ஜியார் பாடலின் அர்த்தத்தை தேடுங்கள்.